平時用得檸檬的地方，都是煮餸、沖檸檬茶或者做面膜的時候，但是永吉街檸檬王的手推車上，卻放有將檸檬轉化做有藥效的零食，一賣就是四十年。
一包包招牌檸檬王選用泰國青檸，去皮壓扁，再以鹽醃九十日制成。食用時可配合那包甘草粉，好像「SHAKE SHAKE薯條」般搖晃後才食。吃時有淡淡青檸的酸味，但同時有陣陣甘草的甘香，酸味與甘味互相融合。甘草香入口持久不散，有爽浪香口膠的香口效果，卻沒有也股嗆鼻感。可放入口慢慢「嗒」，入口軟硬適中，不太鹹不黏口，吃罷不覺口渴，有止咳化痰的藥效。除招牌檸檬王外，現在亦有售賣其他的零食如檸檬薑，梅等。
 |
| 呢張相响openrice搵到 |
現任檸檬王唐生是永吉街檸檬王的第二代掌舵人，但永吉街這個排檔，原來也是數年前才遷入，在這之前，首代檸檬王－就是唐生父親，一直都是以「推車仔」去賣這聞名港九的零食。
 |
| 呢度啲零食都歡迎試食，任試唔嬲 |
「家父以前做後生，捱到五勞七傷，岩岩佢老友係整檸檬既，就叫家父幫佢响香港島賣，結果咪開始左呢頭生意囉。嗰陣家父未有小販牌，次次推車仔都俾警察趕，成日走鬼，直到七二年成功申請流動小販牌，先結束呢段走鬼歲月。」無獨有偶，現任檸檬王，同樣也是半途出家，繼承家業的。「以前我做過地鐵同升降機判頭，冇諗過會响度做過世，我做開大公司，推車仔搵得幾多錢啫。點知有排見老父啲檸檬王好多街坊捧場，知道佢地重視呢種零食，同時見老父做得辛苦，又要吸印仔、企街，做到腰痠背痛但都繼續堅持，咪幫佢手賣檸檬囉。」
 |
| 雖然舊既手推車已消逝，但新既手推車依舊保有原本特色 |
但在現有小販制度下，流動小販牌不能世襲，「人在牌在，人亡牌亡」所以唐生是非法擺賣，因此唐生開始想開將檸檬王開在舖頭售賣，「我地都試過開樓上舖，同响西九龍中心都有舖位，但只係做到熟客，生客唔多，又試過申請排檔位，派我地去旺角啲排檔，或者街巿檔位，但啲人只係認得永吉街檸檬王，嗰陣又已經好多人冒我地檸檬王個名，街坊點會信？」其後唐生在幫老父手時，也多次遭食環票控，甚至沒收默默耕耘三十年的生財工具手推車。
「嗰陣時蔡瀾都寫信去食環署，想幫手將我地轉去永吉街內既排檔。結果08食環署通知我地幫我地轉去永吉街既排檔。」
 | |
| 响手推車底，有呢張鳴謝 |
講到最令唐生記憶猶新的顧客，就是一個八十多歲的老翁「佢特登由紐約住左廿八年，番黎話想見檸檬伯，佢唔認得永吉街，就响度搵黎搵去，沿住條電車路問人，臨走我仲幫佢截的士去機場 。」同時亦有不少移居外國的人來訂貨「有啲客由加拿大返黎探親，都等登番黎呢度買，次次幾磅幾磅咁買，有時客仔ORDER，我地都會幫佢地郵寄。」
時至今日，在永吉街檸檬王排檔前，仍會見到一輛手推車，售賣各式涼果，用的亦時傳統的雞油紙，非常地道。只是唐生已不用再推車，因為顧客已源源不絕，來自五湖四海。除了蔡潤，還有不少高官名人，都是其熟客仔呢！
在較大的地圖上查看中環永吉街
請記得去我地既FACEBOOK留言/讚好:https://www.facebook.com/justanotherstorehk
你身邊又有哪些小舖/小店想介紹?
没有评论:
发表评论