盛女愛插花-Tallensia Floral Art

Art Jamming 大家聽得多，但大家又估唔估到原來花都有得JAM?
位於上環既Tallensia Floral Art，或者係香港小數(如果唔係首創)提供Flower Jamming既地方。
平日佢只係一間花店，但係每逢星期日，對出既一塊小空地就搖身一變做一間Studio，俾各位新晉插花家一展身手。

既然係Flower Jamming， 主角自然係花，而每次Flower Jamming提供既花種都唔同，主要係時花為主。最近，就有較多既玫瑰花供應。

提番朵靚既先

或者大家會諗，我又未覺過插花，又點會識插呢，萬一亂咁插，插到鬼五馬六咁點算呢？

唔緊要,有專人教授,唔識教到識!

當日參加Flower Jamming既，都係一班「盛女」，噢，大家唔好誤會，當日既女士們，有既
已經結婚，有既係準備結婚，絕對係一朵「盛放的玫瑰」，唔係上無記既一班「待春的枯木」呀！而佢地點樣搵到呢度，有女士同我地講係朋友口耳相傳，一傳十十傳百，冇辦法，邊有咁多錢做宣傳？


或者大家會以為參加Flower Jamming 既都係女士，但據店主同我地講，有唔少既男士都會黎插番盤送俾女朋友，如果明年情人節男士們覺得送左咁多年花有點沉悶既，不如响度插一盤送俾你女友？

祝你未來老公一世俾你食住！

呢度都有其他準備好既盤栽賣

店內佈置別緻，同街外既花店不同

雖然對住馬路，但星期日車輛較少，後面又係公園，空氣清新

呢位影相師博，會不定時黎呢度幫一班插花家影相，睇佢個相機，應該大過我

完成品

如果你覺得Art Jamming 已經有欠新意，不如試下Flower Jamming，反正，佳作也好，劣作也罷，一星期後，都盡歸塵土。

(據店主「抵死」透露，好多人覺得Art Jamming如果畫得唔好，幅畫又會响度「篤眼篤鼻」，唔要又可惜，反而花卉會沽，就算插得唔好都可以隨時間消逝，所以選擇Flower Jamming。)

地址：上環太平山街地下6C



在較大的地圖上查看太平山道Tallensia Floral Art


請記得去我地既FACEBOOK留言/讚好:https://www.facebook.com/justanotherstorehk
你身邊又有哪些小舖/小店想介紹?