石板街(下)-藝術家地帶

或者大家睇地圖都會發覺到，石板街近中區警署一段路既排檔，空置率都幾高，我地去過幾次，有好幾檔都係冇開檔既。

但係，呢度有兩檔，係值得大家行過時留意下既。

其實呢檔只係開業左一段短時間，裝修都未完，有機會你可以同個畫家交流下。

據讀過美術既朋友講，柏顏既畫風隨意，唔會刻求每筆都要諗過先畫。每一筆每一畫，都隨時係隨便一畫，就成左一幅畫

可惜既係，開舖時間幾唔穩定，有時都要撞下運氣。

或者好多記者都訪問過容伯，今日他仍在努力工作呢。今日佢响度整鐵皮信箱。

每個未上色既信箱，盛惠60，我地之後响某標榜本地文化既雜貨舖，見到同款但細好多既卡片盒，售價過百

或者到左今日，容伯既主要產品，係信箱

五十年既風霜，靠一個小排檔養活一家

由柏顏畫廊，我地見到排檔既創新，由章記銅鐵，我地搵到排檔既傳統。响呢段小路，一新一舊，既有西方式既畫廊，亦有港式既傳統鐵器，呢度既排檔就係咁雜亂無章，當呢度行人絡驛不絕，龍友MODEL响度留下不少腳印，就未必個個都睇到，呢度排檔既生命力。响呢個綠色既鐵皮箱內，有人响度開個人畫展，亦有人搵到自己既生活。




在較大的地圖上查看砵典乍街排檔



請記得去我地既FACEBOOK留言/讚好:https://www.facebook.com/justanotherstorehk