史前「百貨店」-大生百貨

在上環一個不起眼的街角，一道盡是塗鴉的牆上，一張小小的尋寶地圖，在帶領寶物獵人尋找寶藏。

什麼？百貨公司？不是只有崇光、先施、被傳賣假貨的連卡佛和只有在紅色小巴見到，卻從來不見蹤影的大丸嗎？

於是，寶物獵人決定一窺這間所謂「百貨」究竟賣什麼百貨

如果唔係知道係百貨，其他人只會當係一間辦公室

嘩,幾多

 一入舖內,門口的老伯有點驚訝「你地黎做咩呀?」不過知道我地目的後,就放心的「隨便睇」

其實幾凌亂

店內雖然有好多衣履貨物，但亦有茶葉同茶壼售賣，仲貼左曾太鍾意飲茶既新聞，不過唔知係咪响送雞送菜嗰陣一齊送入去？

除左茶磚,仲有茶餅,雖然都係普洱

 

「老闆,呢度開左幾耐啦?」老闆遙指,講都唔駛

老伯問:「你地仲讀緊書呀?」

「唔係，做左幾年野啦」

「哦，唔似喎，响邊度讀呀?」

「佢响美國，我响香港」

「哦......」

老伯走向牆角，指一指相中人，一臉老懷安慰

「我孫女，岩岩港大畢業，讀法文架」原來係師妹

呢度啲貨物好多都十幾廿蚊有交易，適合買黎訓覺或粗著既人

老伯以前是做批發的，現在老了，就主要做零售，他坦言，開舖只是「過日晨」，不至在賺多少， 也對，該是享福時，又何必粗勞？

雖然加了價，我們拿起一對襪，看看其價錢......

$10!


完全不敢想信眼前所見，急問老伯：「真係十蚊?」

「唔係，呢個價唔得啦......不過未改價錢，就十蚊賣俾你啦」


當吉之島加價做12蚊店，一舊水(註)加價做三舊半水既今日，仲可以用10蚊買到一對質優既棉襪，呢個性價比真係非常非常高！而老伯呢種童叟無欺，10蚊就10蚊既態度，又點可以唔叫我地起敬？


臨走時，老伯親送我們出門口，即使關門之後，那股人情味仍殘留在升降機內。

地址:上環孖沙街23號祝安行5樓

註:1舊水為高登名妓，當年以1舊水(即100元)收費提供性服務予香港巿民,因而得名.此名妓半生傳奇,曾於09年遇劫,唯因不甘血汗錢被奪,赤裸跑街追賊,成功追回肉金



在較大的地圖上查看大生百貨

我地既FACEBOOK:https://www.facebook.com/justanotherstorehk