每間公司都有行政部，負責公司辦工室既日常運作，上至文件傳遞，內外通訊，下至文具添置，蛇蟲鼠蟻，通通都關行政部事，以香港職場既共識，行政部既 人員往往係最乞人憎，十個行政部人員，九個係嫁唔出等緊做/正在做敗犬既姑婆們，通常事事非非，暗箭金手指，就係由行政部班女人傳出黎，而佢地要支筆都要 填FORM既態度，就緊架令人又愛又恨。
其實响分隔富庶既畢打街同戲院里之間，除左日日有人示威話「雷曼未解決」既花旗銀行之外，有條小巷將呢兩條街連接起黎，呢條小巷，叫畢打里，
要走過呢條小巷，只需幾分鐘，平日呢條巷行人多如過江之鯽，响中環呢個CBD裏面，個個都趕頭趕命，邊有閒情逸致去留意呢條巷?
或者大家日日行開冇留意，呢條小巷，竟然有成20個攤檔!
唔單止咁，如果你睇真啲，你會發現呢20個攤檔，其實係一個全方位兼顧到既行政部。
要整公司印章?長文
公司有鎖匙要配?幾間都負責配匙既
OL們高踭鞋鞋踭甩左?唔駛諗祥記鞋業/成都補鞋，之後仲可以順手去彩記絲襪買對新黑喱絲襪勾引男上司，唔止補鞋，連袋都補得，檔主話皮袋用皮補，布袋用布補，唔會求其幫你補
今日返工件新衫唔岩著?梁錦華織補响你面前
公司水電有問題?成記就在你身邊!
 |
| 男人既皮鞋，就好似女人既手袋一樣咁重要，一雙閃令令既皮鞋足以令人眼前一亮，你屋企鞋油雖多,但從來都唔會擦一擦自己對鞋，不如等香港僅存既擦鞋匠幫你打理 |
 |
| 或者一睇個名你會諗係賣乜野，其實蓺係藝既異體字，呢一檔主要係賣玉器，有啲百幾蚊就有交易，啲繩仲係事頭婆手織 |
你睇，一個由你公司到你個人外表都兼顧到既行政部，就响呢20個小攤檔度!平時既衫褲鞋袋，爛咗就只有以垃圾筒做最後歸宿，或者响佢地塵歸塵之前，你可以响呢度搵到幫佢重生既機會？環保啲,對地球都好啲
 |
| 以我地既觀察，會搵佢地修補既客人非常多元，有外國人，有ol，甚至有sales，雖然檔舖既主理人都唔係年青一輩，但呢條巷既人流同生意都唔係問題. |
雖然呢度比較陰暗，但人流來往不絕，我地响呢度觀察既時候，每逢上下班時間，都會有大批打工仔响呢度經過，加上呢度係地鐵出口，人流多加上地點便利，係開檔既好地方。
可惜既係，呢度地方淺窄，人流大多直行直過，唔會响呢度逗留太耐，可能係呢度多數係工匠，唔會吸引好多人流駐足。
 |
名牌女裝店外,兩個樸素既女士默默咁幫人擦鞋 |
而且，呢度雖然有個地鐵出口，不過就位於幾棟大廈既後門，有時都會有清潔阿姐响度清垃圾，如果你想响度開檔，就要好好注意衛生。早排，呢到就有大老鼠出沒，要出動食環大清洗。或者，下屆叫鼠王芬黎選下，清下老鼠，反正呢樣野應該係佢唯一一樣實實在在既政績
請記住响我地facebook讚好/留言:https://www.facebook.com/justanotherstorehk
没有评论:
发表评论